Başlıq dedektiv mövzu vəd etmir, çünki Binəqədi rayonu ərazisində, daha doğrusu, “Zeytun bağı” kimi tanınan geniş dairədə akademik Zəirfə Əliyevanın adını daşıyan parkda baş verməkdədir. Zamanı dəyişik salmayaq: indiki zamandır, bu günə aiddir. Məkan Mir Cəlal küçəsilə Cavadxan küçəsi arasında 9-cu mikrorayonda yerləşir. Rayon İcra Hakimiyyətinin yerləşdiyi inzibati binadan elə də uzaq deyil. Ola bilməz şadlıq evlərindən, kafelərdən, kababxanalardan havaya, dördbir yana bülənd olan qıcıqlandırıcı tüstüyə bələnmiş qoxu-iy rayon rəsmilərinə çatmasın. Xüsusilə, saat 5-dən sonra, insanların işdən evlərinə qayıdan vaxtı!
Mən 30 ildən çoxdur bu ərazidə yaşayıram, zeytun ağacların yamyaşıl, cavan vaxtlarından. Vur-tut 5 yaşayış binası tikilmişdi. Ətrafı sıx zeytunluqdu. Mir Cəlal küçəsi boyu ağaclardı, vaxtilə kişilər əkmişdilər, sonralar pulbazlar, bir ovuc biznesmenlər rayon icra hakimiyyətinin bir-birini əvəz edən başçılarının səyilə, tamahı ilə torpaq satıldı, iaşə nöqtələrinə çevrildi. Amma “orijinal” üsula əl atdılar: yolqırağı ağacların dibinə neft tökdülər gizlicə və yaşıl meyvəli zeytun ağaclarını tədricən qurutdular (Mən bunun şahidiyəm). Və şadlıq evlərinə, kafelərə qəribə-qəribə adlar qoydular. Onların içərisində yalnız dahi bəstəkarımız Üzeyir bəy istisna oldu! Sonra gələn kişilər(!) bundan doymadılar, tamahları qılınca çevrildi. Zeytun bağının içərilərinə soxuldu, zəbt edildi, dədə – babadan qalmış torpaq kimi geninə – boluna kababxanalar, restoranlar şəbəkəsi yaratdılar, cah – cəlal qurdular, təki müştəriləri bol olsun! Ciblərinə pul axsın!
Doqquzuncu mikrorayonun “aşağı” və “yuxarı” hissəsində doqquz mərtəbəli yaşayış binalarında nə qədər əhali yaşadığını deməkdə acizəm (Bu sayı Binəqədi Rayon İcra Hakimiyyəti bilər), onu deyərdim ki, “Zeytun bağı”nda yerləşən akademik Zərifə Əliyeva adına parkından aşağıda yaşayan minlərlə insan da kabab tüstüsünə “qonaq” olur, qapı-pəncərələri bağlamaq məcburiyyətində qalırlar. Yaxşı, onların günahı nədir? Mən bu ərazidə yaşayan sakin – vətəndaş kimi susmamışam, səsimi çıxarmışam. Xüsusilə, Binəqədi rayonunun sabiq icra başçısı vəzifə başında ikən bir neçə dəfə kəskin şəkildə tənqidi məqalə ilə mətbuatda çıxış etmişəm, ekoloji pozuntunu göstərmişəm, müvafiq nazirliyinin adını hallandırmışam, lakin nə icra başçısı, nə də nazir reaksiya vermişdir.
Sabiq icra başçısı Xalid İsgəndərova gəldikdə: onun gözü qabağında zeytun ağacları kəsilmiş, kötüyündən çıxarılmış, çoxmərtəbəli binalar inşa edilmişdir. Tənqidi yazılara əhəmiyyət belə verməmişdi. Axı, Xalid müəllimi təbiətin təmizliyi, kabab qoxusunda boğulan insanların sağlamlığı maraqlandırmamışdır. Bu gün o, bulvara təmiz hava almaq üçün gəlirmi (bir neçə dəfə gəzdiyini, kefi kök olduğunu müşahidə etmişəm)?
Yeni icra başçısı artıq neçə ildir rayon rəsmisidir və ərazilə tanışdır, Zeytun bağını, arada yerləşən akademik Zərifə Əliyeva adına parkı: Zərifə xanımın heykəlini də görmüşdür, hansı vəziyyətdə: gümankı kabab tüstüsünə bürünəndə? İnanmıram başçının belə “qalmaqallı”, sakinlərin səhhətinə ciddi ziyan vuran, acı tüstüdə boğulan vaxtı nə işi var axı! Mir Cəlal küçəsindən üzü İcra Hakimiyyətinin inzibati binasına doğru uzanan bağı indiki vəziyyətdə görər və əhvalı pozular. Görəsən, pozularmı?..
Ən optimalı rahat kabinetdə oturub rəhbərlik etməkdir. İcra başçısı təyin olunduğu gündən sakinlər onun üzünü görməmişlər ki, vətəndaşların dərd – sərilə maraqlansın. Ölkə Başçısı vəzifəyə onun üçün təyin etmir ki, kabinetdə oturub ətrafdakı hadisələrdən xəbərsiz olsun. Akademik Zərifə Əliyevanın – görkəmli alimin adını daşıyan, sakinlərin yeganə istirahət yeri olan parkı kabab tüstüsünə, qanundan kənar iaşə şəbəkəsinə çevirsinlər. Bu səlahiyyəti onlara kim vermişdir? Minlərlə sakinlərin, onların uşaqlarının, xəstələrin, qocaların sağlamlığının qəsdinə dayansınlar? Buna heç bir vəzifəli şəxsin səlahiyyəti çatmır sussun, laqeydliklə göz yumsun, eləcə də Binəqədi Rayon İcra Hakimiyyətinin başçısı. Başçıya Məhəmməd Peyğəmbərin bir kəlamını xatırladardım: “Böyüklük pislikdən çəkinməkdədir, ucalıq könül xoşluğundadır, zənginlik düzlükdədir”.
Kabab tüstüsündə boğulan şəhər... – ALLAHVERDİ EMİNOV YAZIR
Başlıq dedektiv mövzu vəd etmir, çünki Binəqədi rayonu ərazisində, daha doğrusu, “Zeytun bağı” kimi tanınan geniş dairədə akademik Zəirfə Əliyevanın adını daşıyan parkda baş verməkdədir. Zamanı dəyişik salmayaq: indiki zamandır, bu günə aiddir. Məkan Mir Cəlal küçəsilə Cavadxan küçəsi arasında 9-cu mikrorayonda yerləşir. Rayon İcra Hakimiyyətinin yerləşdiyi inzibati binadan elə də uzaq deyil. Ola bilməz şadlıq evlərindən, kafelərdən, kababxanalardan havaya, dördbir yana bülənd olan qıcıqlandırıcı tüstüyə bələnmiş qoxu-iy rayon rəsmilərinə çatmasın. Xüsusilə, saat 5-dən sonra, insanların işdən evlərinə qayıdan vaxtı!
Mən 30 ildən çoxdur bu ərazidə yaşayıram, zeytun ağacların yamyaşıl, cavan vaxtlarından. Vur-tut 5 yaşayış binası tikilmişdi. Ətrafı sıx zeytunluqdu. Mir Cəlal küçəsi boyu ağaclardı, vaxtilə kişilər əkmişdilər, sonralar pulbazlar, bir ovuc biznesmenlər rayon icra hakimiyyətinin bir-birini əvəz edən başçılarının səyilə, tamahı ilə torpaq satıldı, iaşə nöqtələrinə çevrildi. Amma “orijinal” üsula əl atdılar: yolqırağı ağacların dibinə neft tökdülər gizlicə və yaşıl meyvəli zeytun ağaclarını tədricən qurutdular (Mən bunun şahidiyəm). Və şadlıq evlərinə, kafelərə qəribə-qəribə adlar qoydular. Onların içərisində yalnız dahi bəstəkarımız Üzeyir bəy istisna oldu! Sonra gələn kişilər(!) bundan doymadılar, tamahları qılınca çevrildi. Zeytun bağının içərilərinə soxuldu, zəbt edildi, dədə – babadan qalmış torpaq kimi geninə – boluna kababxanalar, restoranlar şəbəkəsi yaratdılar, cah – cəlal qurdular, təki müştəriləri bol olsun! Ciblərinə pul axsın!
Doqquzuncu mikrorayonun “aşağı” və “yuxarı” hissəsində doqquz mərtəbəli yaşayış binalarında nə qədər əhali yaşadığını deməkdə acizəm (Bu sayı Binəqədi Rayon İcra Hakimiyyəti bilər), onu deyərdim ki, “Zeytun bağı”nda yerləşən akademik Zərifə Əliyeva adına parkından aşağıda yaşayan minlərlə insan da kabab tüstüsünə “qonaq” olur, qapı-pəncərələri bağlamaq məcburiyyətində qalırlar. Yaxşı, onların günahı nədir? Mən bu ərazidə yaşayan sakin – vətəndaş kimi susmamışam, səsimi çıxarmışam. Xüsusilə, Binəqədi rayonunun sabiq icra başçısı vəzifə başında ikən bir neçə dəfə kəskin şəkildə tənqidi məqalə ilə mətbuatda çıxış etmişəm, ekoloji pozuntunu göstərmişəm, müvafiq nazirliyinin adını hallandırmışam, lakin nə icra başçısı, nə də nazir reaksiya vermişdir.
Sabiq icra başçısı Xalid İsgəndərova gəldikdə: onun gözü qabağında zeytun ağacları kəsilmiş, kötüyündən çıxarılmış, çoxmərtəbəli binalar inşa edilmişdir. Tənqidi yazılara əhəmiyyət belə verməmişdi. Axı, Xalid müəllimi təbiətin təmizliyi, kabab qoxusunda boğulan insanların sağlamlığı maraqlandırmamışdır. Bu gün o, bulvara təmiz hava almaq üçün gəlirmi (bir neçə dəfə gəzdiyini, kefi kök olduğunu müşahidə etmişəm)?
Yeni icra başçısı artıq neçə ildir rayon rəsmisidir və ərazilə tanışdır, Zeytun bağını, arada yerləşən akademik Zərifə Əliyeva adına parkı: Zərifə xanımın heykəlini də görmüşdür, hansı vəziyyətdə: gümankı kabab tüstüsünə bürünəndə? İnanmıram başçının belə “qalmaqallı”, sakinlərin səhhətinə ciddi ziyan vuran, acı tüstüdə boğulan vaxtı nə işi var axı! Mir Cəlal küçəsindən üzü İcra Hakimiyyətinin inzibati binasına doğru uzanan bağı indiki vəziyyətdə görər və əhvalı pozular. Görəsən, pozularmı?..
Ən optimalı rahat kabinetdə oturub rəhbərlik etməkdir. İcra başçısı təyin olunduğu gündən sakinlər onun üzünü görməmişlər ki, vətəndaşların dərd – sərilə maraqlansın. Ölkə Başçısı vəzifəyə onun üçün təyin etmir ki, kabinetdə oturub ətrafdakı hadisələrdən xəbərsiz olsun. Akademik Zərifə Əliyevanın – görkəmli alimin adını daşıyan, sakinlərin yeganə istirahət yeri olan parkı kabab tüstüsünə, qanundan kənar iaşə şəbəkəsinə çevirsinlər. Bu səlahiyyəti onlara kim vermişdir? Minlərlə sakinlərin, onların uşaqlarının, xəstələrin, qocaların sağlamlığının qəsdinə dayansınlar? Buna heç bir vəzifəli şəxsin səlahiyyəti çatmır sussun, laqeydliklə göz yumsun, eləcə də Binəqədi Rayon İcra Hakimiyyətinin başçısı. Başçıya Məhəmməd Peyğəmbərin bir kəlamını xatırladardım: “Böyüklük pislikdən çəkinməkdədir, ucalıq könül xoşluğundadır, zənginlik düzlükdədir”.
Allahverdi EMİNOV
Bölmənin xəbərləri