Ermənistanda ötən gün keçirilən və Nikol Paşinyanın “Mənim addımım” blokunun tam qələbəsi ilə başa çatan növbədənkənar parlament seçkiləri ilə bağlı ilk təbrik Amerikadan gəlib. ABŞ-ın Yeravandakı səfirliyi özünün “Facebook” səhifəsində “uğurlu seçkilər” münasibəti ilə erməni xalqını təbrik edib. Və təbrikin sonunda Ermənistan bayrağının rənglərində sevgi simvolu - ürək smayliki qoyulub.
Amerikadan gələn digər təbriki “Amerika erməni milli komitəsi” (ANKA) göndərib. “Amerika erməni milli komitəsi Ermənistan xalqını azad və ədalətli seçkilər münasibətilə təbrik edir, bunu həm demokratiyanın qələbəsi, həm ABŞ-Ermənistan strateji tərəfdaşlığında yeni eranın başlanğıcı sayır”, - ANKA bildirir.
MDB respublikalarından isə hələlik Moldova prezidenti İqor Dodonun Paşinyanı qələbə münasibətilə təbrik etdiyi açıqlanıb. Rusiyadan və onun Yerevandakı səfirliyindən isə seçkilərin nəticələri ilə bağlı hələlik heç bir reaksiya yoxdur. Qeyd edək ki, seçkilərin nəticələrinə əsasən, parlamentə ancaq Paşinyanın bloku və onu inqilabda dəstəkləyən qüvvələr keçiblər. Rusiyameylli qüvvələrin heç biri, o cümlədən Serj Sərkisyanın partiyası parlamentdə təmsil olunmayacaq.
İlk təbrik amerikadan gəldi – Kreml susur
Ermənistanda ötən gün keçirilən və Nikol Paşinyanın “Mənim addımım” blokunun tam qələbəsi ilə başa çatan növbədənkənar parlament seçkiləri ilə bağlı ilk təbrik Amerikadan gəlib. ABŞ-ın Yeravandakı səfirliyi özünün “Facebook” səhifəsində “uğurlu seçkilər” münasibəti ilə erməni xalqını təbrik edib. Və təbrikin sonunda Ermənistan bayrağının rənglərində sevgi simvolu - ürək smayliki qoyulub.
Amerikadan gələn digər təbriki “Amerika erməni milli komitəsi” (ANKA) göndərib. “Amerika erməni milli komitəsi Ermənistan xalqını azad və ədalətli seçkilər münasibətilə təbrik edir, bunu həm demokratiyanın qələbəsi, həm ABŞ-Ermənistan strateji tərəfdaşlığında yeni eranın başlanğıcı sayır”, - ANKA bildirir.
MDB respublikalarından isə hələlik Moldova prezidenti İqor Dodonun Paşinyanı qələbə münasibətilə təbrik etdiyi açıqlanıb. Rusiyadan və onun Yerevandakı səfirliyindən isə seçkilərin nəticələri ilə bağlı hələlik heç bir reaksiya yoxdur. Qeyd edək ki, seçkilərin nəticələrinə əsasən, parlamentə ancaq Paşinyanın bloku və onu inqilabda dəstəkləyən qüvvələr keçiblər. Rusiyameylli qüvvələrin heç biri, o cümlədən Serj Sərkisyanın partiyası parlamentdə təmsil olunmayacaq.
Bölmənin xəbərləri