Xanım deputat nikbin danışdı – “Böyük uğurlar əldə ediləcək”

27/11/2018 - 12:54 610 0   0  

“Azərbaycan cari ildə bütün sahələrdə yüksək inkişaf göstəricilərinə nail olub. Bu inkişafa nail olunmaqda büdcə siyasətinin rolu olub. 2019-cu ilin büdəsində sosial layihələrin üstünlük təşkil etməsi, əhalinin rifah halının yaxşılaşdırılmasının əsas məqsəd daşıdığının göstəricisidir”.
Modern.az-ın məlumatına görə, bunu Milli Məclisin deputatı Sahibə Qafarova parlamentin bu gün keçirilən iclasında 2019-cu ilin dövlət büdcəsi ilə bağlı qanun layihəsinin II oxunuşunda müzakirəsi zamanı deyib. O bildirib ki, növbəti ilin büdcəsində təhsil xərclərinə ayrılan vəsaitin xüsusi çəkisi 9.7 faiz təşkil etməsi, təhsil sahəsində islahatların davamlılığını təmin edəcək.
S. Qafarova bildirib ki, büdcədə bu istiqamətdə nəzərdə tutulan maliyyə regionların daha da inkişaf edəcəyini deməyə əsas verir.
“Lakin bununla yanaşı, bizə ünvanlanan müraciətlərdə bir neçə məsələnin həlli xahiş olunur. Belə ki, müraciətlərdə Şəmkirdə orta məktəblərin əsaslı şəkildə təmin olunması, qazlaşma, eləcə də bir neçə kənddə mədəniyyət evlərinin təmiri və yenidən qurulması xahiş olunur.
Ümumilkdə növbəti ilin büdcəsini yüksək qiymətləndirirəm. Gələn ilin büdcəsində nəzərdə tutulan məsələlərin yerinə yetirilməsi nəticəsində daha böyük uğurlar əldə ediləcək”.