Sürücü qadın elektriklə işləyən maşınına benzin doldurmağa çalışdı - Video

18/12/2018 - 23:33 3 559 0   0  

“Reddit” portalında yayımlanmış bir video sosial şəbəkələrdə gülüş və müzakirə obyektinə çevrilib.

Suveren.az virtualaz.org-a istinadən xəbər verir ki, videoda yanacaqdoldurma stansiyasına gəlmiş sürücü qız əks olunub. O, maşından düşərək yanacaq doldura bilmək üçün avtomobilinin benzin çəninin girişini axtarır.

Videoda bu kadrları çəkən sürücünün gülüş səslərini eşitmək olar. Məsələ burasındadır ki, qızın sürdüyü maşın “Tesla” elektrokarıdır və bu maşın benzinlə deyil, elektrik cərəyanı ilə çalışır.

Son nəhayətdə, kişi sürücü qadını başa salır ki, o, başqa yanacaq, daha doğrusu, elektrik doldurma stansiyasına müraciət etməlidir.