“Putin NATO üçün ən böyük hədiyyədir” - CIA-ın keçmiş direktoru

09/01/2019 - 14:11 1 342 0   0  

Mərkəzi Kəşfiyyat İdarəsinin (CIA) keçmiş direktoru Devid Petreus Rusiya prezidenti Vladimir Putini NATO üçün “ən böyük hədiyyə” adlandırıb.

Modern.az xəbər verir ki, o bu barədə Hindistandan keçirilən Raisina Dialogue konfransında deyib.
“Putinin hakimiyyətə gəlişi “Soyuq Müharibə” dövründən sonra NATO üçün ən böyük hədiyyədir. Putin hərbi alyansın gələcək mövcudluğu üçün stimul verdi. Rusiyanın siyasəti nəticəsində dünyadakı bir çox ölkələr ABŞ-ın ətrafında daha sıx birləşdi”.
Petreus Tramp administrasiyasının da NATO-nun hərbi potensialını artırdığını və Avropaya texnika və canlı qüvvələr göndərdiyini vurğulayıb. Keçmiş generalın fikrincə, Vaşinqton NATO-nun mövcudluğu üçün digər bütün müttəfiqlərdən daha çox iş görür.