Əli Mirəliyev efirdən niyə kənarlaşdırılıb? - AÇIQLAMA

07/11/2018 - 14:17 1 918 0   0  

Əli Mirəliyev ARB-nin “Səhər-səhər” verilişindən birdəfəlik kənarlaşdırılıb.

Yenicag.az-ın əldə etdiyi məlumata görə, bir müddət öncə verilişdə görünməməsinin səbəbini ayağından zədə alması ilə əlaqələndirən və yenidən efirə qayıdacağını bildirən müğənninin verilişlə vidalaşdığı məlum olub.
Saytımıza açıqlamasında Ə. Mirəliyev özü də bu xəbəri təsdiqləyib:
“Mən “Səhər-səhər” verilişindən birdəfəlik getmişəm, amma ARB-dən getməmişəm. Ayağım sağalandan sonra Mehriban Xanlarovanın “Canım sizə desin” verilişində aparıcılıq fəaliyyətimi davam etdirəcəkdim. Hətta bir verilişə də çəkildim, amma efirə getmədi. Çünki məlum hadisədən sonra Mehribanın verilişi də bağlandı”.
“Səhər-səhər” verilişindən niyə getdiniz” sualına isə müğənninin cavabı belə olub:
“Bunu məndən niyə soruşursunuz? Elgizdən soruşun, desin”.