İrəvan Türk Cümhuriyyəti dövlət strukturlarının təkmilləşdirilməsi prosesinə start verdi

21/09/2020 - 14:41 1 012 4   0  

İrəvan Türk Cümhuriyyətinin mətbuat xidmətinin məlumatı 

20.09.2020-ci il tarixdə İrəvan Türk Cümhuriyyətinin dövlət strukturlarının təkmilləşdirilməsinə həsr edilən Millət Şurasının toplantısı davam edib. Toplantıda;

-İrəvan Türk Cümhuriyyəti Katibliyinin əsasnaməsi və tərkibi təsdiq edilib. Qələndər Muxtarlı İrəvan Türk Cümhuriyyəti Katibliyinin rəhbəri, Millət Şurası sədrinin müavini seçilib.

-Irəvan Türk Cümhuriyyətinin Departamentləri və onların rəhbərləri təyin edilib və Millət Şurasında təsdiq edilib. Paşa Həsənli yekdilliklə Dövlət Şurasının sədri, Millət Şurası Sədrinin müavini seçilib.

-Təmsilçilər Məclisinin əsasnaməsi təsdiq edilib. Mülazim Pahsa yekdilliklə Təmsilçilər Məclisi başqanı seçilib. Irəvan Türk Cümhuriyyəti Millət Şurası Sədrinin müavini seçilib.

-Prof.dok.Fərhad Turanlı İrəvan Türk Cümhuriyyəti Strateji Araşdırmalar Başqanı seçilib.

-İrəvan Türk Cümhuriyyəti Ziyalılar birliyi təsis edilib. Seyfəddin Altaylı Birliyinin sədri seçilib.

Müzakirə edilən məsələlər barədə Millət Şurasının Sədri Qafar Çaxmaqlı, Təmsilçilər Məclisi başqanı Mülazim Paşa, Millət Şurası üzvüləri Paşa Həsənli, Aqil Səmədbəyli, Qələndər Muxtarlı, Abil Babaoğlu, Əli Mustafa, Zeynalabdin Məmmədov, Məmmədzadə Pənah, Məhluqə Qaramanlı, Sahib Musayev, Alı Alıyev, Şahlar Hacıyev və başqaları çıxış etmişdir.

Dövlət quruculuğuna həsr edilən panel toplantısı davam edəcəkdir.

İTC-nin mətbuat xidməti...