Gələn il maaş və pensiyalar artırılacaq

07/11/2018 - 12:30 1 156 0   0  

"Cari ildə Azərbaycan Prezidenti İlham Əliyevin sərəncamlarına əsasən, dövlət büdcəsindən maliyyələşən təşkilatlarda çalışan işçilərin əmək haqlarının artırılması qərarı verilib”

Bunu maliyyə naziri Samir Şərifov Milli Məclisdə büdcə müzakirəsi zamanı deyib. 
Nazir bildirib ki, bu qərarın maliyyə təminatının növbəti ildə də yaradılması məqsədilə əlavə 620 milyon manat məbləğində vəsait tələb olunur. Bu da 2019-cu ilin dövlət büdcəsində öz əksini tapıb. 
S.Şərifovun sözlərinə görə, eyni zamanda pensiya təminatı sahəsində əlavə sosial müdafiə tədbirləri üçün 110 milyon manatın ayrılması nəzərdə tutulub.