“Bunu erməni vəhşilər də etməzdi...” - Zərdab sakinindən PREZİDENTƏ MÜRACİƏT

24/02/2019 - 16:23 13 780 0   0  

“Həyat yoldaşımın uzun müddət işsiz qalması, oğlum Romanın əlillik dərəcəsinin qanunsuz olaraq dayandırılması bizim ailəyə qarşı edilən zülm, işgəncə və əzabdır”

Zərdab rayonu Gödəkqobu kənd sakini Musayeva Samirə Rəşid qızı tərəfindən Suveren.az-ın redaksiyasına şikayət məktubu daxil olub. Prezident İlham Əliyevə, Birinci vitse-prezident Mehriban Əliyevaya müraciət edən şikayətçi yazır:
“Bizim ailə yoxsulluq, aclıq və səfalət içində yaşamağa məhkum edilib. Belə ki, böyüyünün 19, ortancılın 14, kiçiyinin isə 8 yaşı olmaqla himayəmizdə 3 uşağımız var. Həyat yoldaşım Yeni Azərbaycan Partiyasının üzvü Musayev Niyaz İsa oğlu heç bir yerdə işləmir. Baxmayaraq ki, onun peşə diplomu var, elektrik mantyorudur.
Həyat yoldaşım Niyaz 10 ilə yaxın Zərdab Elektrik Şəbəkəsində elektrik mantyoru vəzifəsində işləyib. Əmək müqaviləsinin vaxtı bitdiyi üçün bir neçə ildir işsiz qalıb. Zərdab rayon Məşğulluq Mərkəzinə müraciət etsək də, indiyə qədər işlə təmin olunmayıb.
Oğlum Romanın görmə qabiliyyəti zəif olduğu üçün hərbi xidmətə yararsız hesab edilib. Romanın görmə qabiliyyətinin 0.5 % olmasını 16 yaşı olan zaman hərbi həkim komissiyasından müayinədən keçəndə bildik. Müayinə həkimi bildirdi ki, göz damarı anadan gəlmə yatıb, bunu siz bilməmisiniz, müalicəsi mümkün deyil. Bundan sonra ona əlillik dərəcəsi təyin edilidi və 2 il əlilliyə görə 80 manat təqaüd aldıq. 2019-cu il tarixdə həqiqi hərbi xidmətə göndərilmək üçün həkim komissiyasından keçən zaman Zərifə Əliyeva adına Milli Oftolmologiya Mərkəzində həkimə verməyə pulumuz olmadı üçün oğlum Romana görmə qabiliyyətini qanunsuz olaraq saxtakarlıqla 0,9 % yazdılar.Buna görə ona təyin olunmuş əlillik dərəcəsi ləğv edildi. Ancaq əslində isə Romanın görmə qabiliyyəti 2016-cı il tarixdə olduğundan da pisdir.
Bundan sonra biz 18 fevral 2019-cu il tarixdə Şəki şəhərində yerləşən xəstəxanada oğlum Romanın gözlərini müayinə etdirdikdə subut olundu ki, onun görmə qabiliyyəti 0,5 %-dir. Bu da onu tam subut etdi ki, Milli Oftolmologiya Mərkəzində həkim oğlum Romanın görmə qabiliyyətinin qanunsuz olaraq 0,9 % olmasına dair saxta rəy vermişdir. Bu cinayət əməlidir ki, Milli Oftolmologiya Mərkəzinin saxtakar həkimi etmişdir.
Əkinçilik və maldarlıqla məşğul olmaqda su sarıdan çətinliklər var. Suyun olmamasına görə Gödəkqobu kənd camaatı əziyyət çəkir. Bunun səbəbi isə kəndimizdə əkin üçün su qıtlığının olmasıdır.
Hazırda bizim ailə yoxsulluq, aclıq və səfalət içində yaşayır. Elə olur ki, günlərlə yeməyimiz olmur. Borc içində batırıq. Aldığımız borcları qaytara bilmədiyimiz üçün artıq bizə borc vermirlər. Bizim ailənin yaşam tərzini gəlib gözləri ilə görən insan dəhşətə gələr. Ağlamaqdan gözlərimin yaşı quruyub.
Həyat yoldaşımın uzun müddət işsiz qalması, oğlum Romanın əlillik dərəcəsinin qanunsuz olaraq dayandırılması bizim ailəyə qarşı edilən zülm, işgəncə və əzabdır. Bunu erməni vəhşilər də etməzi, ancaq Azərbaycanın quldur vəzifəli şəxsləri etdilər.
Prezident cənab İlham Əliyevdən və Mehriban xanım Əliyevadan xahiş edirəm ki, vəzifə səlahiyyətlərindən sui-istifadə edib, rüşvət vermədiyim üçün görmə qabiliyyəti 0.5 % olan oğlum Romana qanunsuz olaraq 0,9 % rəy vermiş həkimin barəsində ciddi tədbirlər görəsiniz, oğlum Romana əlillik dərəcəsinin təyin olunmasına və işsiz həyat yoldaşımın peşəsi üzrə işlə təmin olunmasına yaxından köməklik göstərəsiniz”.