Yanvar ayının yekunu ilə müqayisədə Azərbaycanda pul bazası artıb

10/01/2019 - 20:24 8 806 0   0  

2018-ci ilin sonunda Azərbaycanda pul bazası 9 milyard 545.7 milyon manat təşkil edib.

Bu, noyabrın sonu ilə müqayisədə, 560,5 milyon manat, 2018-ci ilin yanvar ayının yekunu ilə müqayisədə 784 milyon manat çoxdur.

Belə ki, 30 noyabr 2018-ci il tarixinə pul bazası 8 milyard 985.2 milyon manat, 31 yanvar 2018-ci il tarixinə isə 8 milyard 761 milyon manat təşkil etmişdi.

Pul bazası dedikdə, pul kütləsinin Mərkəzi Bank tərəfindən qısa müddət ərzində dəyişdirilə bilən hissəsi nəzərdə tutulur. Pul bazasının tərkibinə dövriyyədə olan nağd pul və bank ehtiyatları (kommersiya banklarının Mərkəzi Bankdakı müxbir hesablarının qalıqları) daxildir.

Pul kütləsi dövriyyədə olan nağd və qeyri-nağd ödəniş vasitələrinin məcmusudur.(oxu.az)