Rusiya Ermənistana “Tor” zenit-raket kompleksləri verdi - SU-30SM QIRICILARININ ARDINCA,+FOTO

21/12/2019 - 21:26 14 842 0   0  

Ermənistan ordusunun silahlanmasına Rusiya istehsalı olan ən yeni “Tor-M2KM” zenit-raket kompleksləri daxil olub.

Suveren.az virtualaz.org-a istinadən xəbər verir ki, bu haqda baş nazir Nikol Paşinyan özünün Facebook səhifəsində açıqlayıb. Daha sonra Paşinyan hərbi hissələrdən birində “Tor-M2KM” kompleksləri də daxil olmaqla bəzi yeni hərbi texnikanın silahlanmaya qəbul edilməsində iştirak edib.

“Ermənistan silahlı qüvvələri Rusiya istehsalı olan ən yeni hava hücumundan və raketdən müdafiə sistemləri ilə silahlandı. Silah 2019-cu ildə buraxılıb. Bu, 2019-cu ildə əldə etdiyimiz ən mühüm silahlardan biridir. Onun miqdarını deyə bilmərəm, hərbi sirdir”,-Paşinyan yazıb.

 

“Tor-M2KM” hava hücumundan müdafiəni həyata keçirir, habelə hərbi bölmələri pilotsuz uçuş vasitələrindən və yüksək dəqiqlikli silahlardan müdafiə edir. “Almaz-Antey” korporasiyası tərəfindən istehsal edilir. Kompleks eyni anda 20 hava hədəfini izləyir və onlardan 4-ünü eyni vaxtda vura bilər. Hədəfin izlənməsi və vurulması avtomatik rejimdə həyata keçirilir.

Qeyd edək ki, bundan əvvəl Rusiya Ermənistana güzəştli qiymətə və kredit hesabına 4 Su-30SM qırıcısı da verib. Həmin qırıcılar bu günlərdə Ermənistana çatdırılmalı idi.