Erməni jurnalist Paşinyan hakimiyyətini yıxdı-sürüdü - “Qatillər azadlığın dadını çıxarır”

31/01/2019 - 11:26 2 428 0   0  

Erməni jurnalist, “Blognews” saytının baş redaktoru Konstantin Ter-Nakaryan Milli Təhlükəsizlik Xidmətinə çağırılıb.

Modern.az Ermənistan KİV-nə istinadən xəbər verir ki, jurnalist ölkədə yeni hakimiyyətin apardığı siyasəti kəskin tənqid edirb.
“Biz yeni Ermənistanda yaşayırıq... o Ermənistandakı, nazir keşişin məktəbə daxil ola bilməyəcəyini amma transvestit fəalın hökumətdə təmsil oluna biləcəyi, o Ermənistandakı maliyyə cinayətinə görə saxlanılan jurnalist həbsxanada aclıqdan ölür, amma polisləri qətlə yetirən şəxslər partiya şəklində seçkilərə qatılaraq azadlığın dadını çıxarır, o Ermənistandakı şəhər avtomobillərinin yarısı kütləvi oğurluğa görə işıqsız və akkumulyatorsuz qalıb amma polis dini düşmənçilik barədə nağıllar danışmaqla məşğuldu, o Ermənistandakı hüquq-mühafizə orqanları dini sektaların tapşırığı ilə aparıcı media qurumlarında yoxlamalar aparır və bunu həmin sektanın üzvü olan baş nazir köməkçisinin göstərişi ilə görür. Mən dini zəmində düşmənçilik yaratmaq ittihamı ilə Milli Təhlükəsizlik Xidmətinə çağırılmışam və vəkilimlə ora gedib məsələni müəyyənləşdirməyə çalışacam”.