Aydəmir Manafov Quba İcra Hakimiyyətinə hansı yollarla ayaq açıb? - İDDİA

25/01/2019 - 12:59 11 581 0   1  

Daha çox bir meyvəçilik rayonu kimi tanıdığımiz Quba rayonu təbiətinin füsunkarlığı ilə seçilən bolgələrimizdən biridir.Burada son vaxtlar xalq təsərrüfatının bütün sahələrində böyük işlər görülmüş, yüksək səviyyəli abadlıq-quruculuq işləri aparılmışdır. Quba rayonunda son illər ərzində mühüm infrastruktur layihələri yerinə yetirilmiş, həmçinin “Şahdağ” mobil tipli elektrik stansiyası, müalicə-diaqnostika mərkəzi, Olimpiya idman kompleksi və ən müasir tələblərə cavab verən mehmanxanalar, turizm obyektləri, təhsil, mədəniyyət, sənaye müəssisələri inşa edilmiş, park və xiyabanlar salınmış, yeni yollar çəkilmişdir. Qubanın tarixi görkəminin saxlanılması, qədim abidələrinin bərpası və turizm imkanlarından daha dolğun istifadəsi üçün burada abadlaşdırma işləri daim genişləndirilir.

Son bir ildə, bir qədər də dəqiq olsaq məhz cənab Ziyəddin Əliyevin bu rayona başçı təyin olunduğu vaxtdan bəri, Qubanın əksər sahələrində böyük canlanma, dinamik inkişaf müşahidə olunmaqdadır. Verilən məlumatlarda Quba rayon İcra Hakimiyyətinin başçısı Ziyəddin Əliyevin fəaliyyətinə dair razılıq hisslərinin ifadə olunması ilə yanaşı, rayonda gedən proseslər əhalinin sevincinə, ruh yüksəkliyinə səbəb olur. Regionların sosial-iqtisadi inkişafına böyük diqqət yetirən Prezident İlham Əliyevin diqqət və qayğısı sayəsində bu rayonda da əsaslı yenidənqurma işləri görülür, iri miqyaslı layihələr həyata keçirilir və ölkə rəhbərliyi tərəfindən qarşıya qoyulmuş vəzifələrin maksimum həllinə səy göstərilir. Hazırda Quba rayonu bir sıra beynəlxalq və respublika səviyyəli nüfuzlu ictimai-siyasi və mədəni-kütləvi tədbirlərin keçirildiyi mühüm bir mərkəzə çevrilmişdir.
Bütün bunlarla yanaşı rayonda bəzi məmurların fəaliyyəti bir sıra məsələlərdə əhalinin ciddi narazılığına səbəb olur. Bu məmurlardan biri rayon İcra Hakimiyyəti başçısının birinci müavini Aydəmir Manafovdur. Adıçəkilən şəxsi əslində Quba əhalisi çox yaxşı tanıyır. Uzun müddət Qubadakı Yol İstismar İdarəsinə rəhbərlik etmiş Aydəmir Manafovun birdən-birə rayon İcra Hakimiyyəti başçısının birinci müavini vəzifəsinə gətirilməsi çoxlarının təəccübünə səbəb olub. Belə ki, uzun müddət rayonun yol infrastrukturuna rəhbərlik etmiş Aydəmir Manafovun rayon yollarında heç bir işlər görmədiyindən, əksinə dövlət büdcəsindən yolların təmir tikintisinə ayrılmış vəsaitləri mənimsəyərək özü üçün geniş biznes şəbəkəsi yaradan belə bir şəxsin daha da məsul vəzifəyə gətirilməsinin səbəbini axtaranlar da çoxdu. Bilməyənlərə məlumat vermək istərdik ki, Aydəmir Manafov Azərbaycan Avtomobil Yolları Dövlət Agentliyinin sədri Saleh Məmmədova deyil, sabiq “Azəravtoyol” Açıq Səhmdar Cəmiyyətinin, hazırda isə “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanova daha çox yaxınlığı ilə tanınan bir şəxsdir. Həttə deyilənlərə görə Cavid Qurbanovun rəhbərliyi altında çalışarkən Aydəmir Manafova müdirinə hər ay bir “səbətdə quba alması” da göndərərmiş. Bəs Aydəmir Manafov Quba Yollarının təmir tikintisi üçün nələr edib?
Rayonun 7 yaşayış məntəqəsini birləşdirən və 23 km uzunluğunda olan Quba-Küpçal-Küsnət avtomobil yolunun tikintisi üçün Prezidentin ehtiyyat fondundan ayrılmış 5 milyon manat vəsaitin görəsən nə qədəri təyinatı üzrə xərclənib? Həmin yolun çəkilişi üçün sonradan ayrılmış 5,3 milyon manat bəs görəsən hara xərclənib? Rayonun 12 yaşayış məntəqəsini birləşdirən və 31 km uzunluğunda olan Rustov-Xanagah-Girdah, Rustov-Nöydün-Şuduq, Rustov-Məckəxacə, Rustov-Bağçalı-Yekdar yollarının uzun zamanlar bərbad vəziyyətdə olduğunu Aydəmir Manafov görmürdümü? Təbii ki, görürdü. Prezidentin ehtiyyat fondundan bu yolların da təmir-tikintisinə milyonlarla vəsait ayrılmışdı. Amma başı ayrı işlərə qarışdığından sözügedən yolların tikinti işlərinə indi başlanılmış, müəyyən məsafədə torpaq və asfaltlaşma işləri görülmüşdür.
Bütün bu sadaladıqlarımız Aydəmir Manafovun barəsində söylənilərin bir hissəsidir. Quba Yol İstismar İdarəsinə rəhbərliyi dövründə yolların təmirinə ayrılmış vəsaitləri mənimsəmək yolu ilə rayonda hektarlarla alma, gilas bağlarına sahib olub ki, mövsümdə ancaq Rusiya bazarlarlarına çıxarmaqla deyilənlərə görə Aydəmir Manafov böyük kapital sahibinə çevrilib. Onun Quba Rayon İcra Hakimiyyətinə gəldıyi yol isə Quba Yol İstismar İdarəsinin müdirliyindən keçib. Axı İcra başçısı Ziyəddin Əliyev də uzun müddət yol istismar sahələrində çalışıb. İndi görəsən işgüzarlığı və səmimiyyəti ilə artıq rayonda hörmət qazanmış Ziyəddin Əliyevlə korrupsioner Aydəmir Manafovun işbirliyi nə vaxta qədər davam edəcək?
Aktualinfo.org