Fala baxmaq adı ilə ördək oğurladılar

17/12/2018 - 17:55 11 752 0   0  

Cəlilabadda polis əməkdaşları tərəfindən fala baxmaq adı ilə həyətlərə daxil olaraq oradan ev quşlarını oğurlayan şəxslər saxlanılıb

DİN-nin Mətbuat Xidmətinin Lənkəran regional qrupundan verilən məlumata görə, dekabrın 15-də gecə saatlarında Cəlilabad şəhəri M. Hüseyn küçəsində əllərində altı ədəd ördəklə hərəkət edən iki nəfərin şübhəli davranışları xidmətdə olan post-patrul xidməti əməkdaşlarının diqqətini cəlb edib.
Həmin şəxslər ev quşlarının onlara fala baxmaları müqabilində nəzir kimi verildiyini desələr də RPŞ-yə dəvət edildikdən sonra burada artıq oğurluq etdiklərini etiraf ediblər.
Səhər saatlarında sözügedən ərazidə yaşayan B.Mikayılov adlı şəxs həyətindən altı ədəd ördəyin oğurlanması ilə bağlı polisə müraciət edəndə artıq şöbəyə gətirilən Yevlax rayon sakinləri Sadiq Bukavadze və Rəfail Bəkirov törətdikləri əməli etiraf ediblər.
Hazırda onların digər bu cür əməllərinin müəyyən ediliməsi istiqamətində araşdırma aparılır.