Ermənistan BMT-nin ən kasıb ölkələri sırasında yer aldı

03/01/2019 - 17:47 10 834 1   0  

BMT Baş Assambleyası qurumun yaxın 3 il üçün xərclərini bölüşdürüb.

Virtualaz.org BMT-nin xəbərlər xidmətinə istinadən bildirir ki, təşkilatın üzvü olan ölkələrin onun büdcəsinə ödənişlərin yeni cədvəli hazırlanıb.

Qəbul olunmuş qərara əsasən, ABŞ əvvəlkitək mümkün olan maksimum həcmdə ödəniş edəcək – BMT-nin bütün xərclərinin 22%-i bu ölkənin payına düşür. Uzun onilliklərdən sonra ilk dəfə Çin Yaponiyanı qabaqlayıb və BMT-nin müntəzəm büdcəsinə ən iri ödəyicilər arasında ikinci yerə yüksəlib. Pekin BMT-nin büdcəsinin 12%-ni təmin etməlidir.

Qeyd edək ki, BMT üzvü olan hər bir ölkə qurumun xərclərinin bir hissəsini ödəməyə borcludur. Burada maksimum ödəniş büdcənin 22%-i, minimum isə 0,01%-dir.

Ən iri sponsorların arasında Yaponiya (8,564%), Almaniya (7%) və Fransa (4,427%) da var.

Rusiya 2,405%-lik payla səkkizincidir.

Keçmiş SSRİ respublikaları arasında ən böyük yük Qazaxıstanın üzərinə düşür - 0,187%, digər postsovet ölkələri isə 0,1%-dən az ödəniş edirlər.

Azərbaycan BMT-nin illik büdcəsinin 0,049%-ni təmin edəcək. Gürcüstanın payına 0,008%, Ermənistanın payına isə 0,007% düşür. Beləliklə, Gürcüstan və Ermənistan BMT-nin ən kasıb ölkələrinin sırasında yer alıblar.