Doğumdan bir az sonra ölən ana ilə bağlı KLİNİKADAN AÇIQLAMA

07/05/2019 - 14:10 4 099 0   0  

Bakıda doğumdan bir müddət sonra xəstəxanada ölən qadınla bağlı bəzi təfərrüatları ortaya çıxıb. "Baku Medikal Plaza" klinikasından Lent.az-a verilən məlumata görə, 1979-cu il təvəllüdlü Lətafət Şirəliyevanın ölməsinə səbəb kor bağırsağın partlaması olub: “ Keysəriyyə əməliyyatı Cəmallədin Örnək tərəfindən həyata keçirilib. Əməliyyat olmadan əvvəl bütün qan təhlilləri analizlər götürülüb heç bir problem olmayıb. Xəstə əməliyyatdan normal çıxıb və heç bir həkim səhvi yoxdur. Qadın 15-20 gün sonra ağrılar hiss etməyə başlayıb və ağrı kəsicilərlə ağrını kəsməyə çalışıb. Həkimə vaxtında müraciət etmədiyi üçün apendisit partlayıb və aparılan müalicələrə baxmayaraq dünyasını dəyişib. Hazırda rəsmi ekspert rəyini gözləyirik. Ekspert rəyindən sonra xəstəsinin apendisit partlamasından öldüyü dəqiq məlum olacaq”. 
Qeyd edək ki, Lətafət Şirəliyevanın mart ayında "Baku Medikal Plaza" klinikasında keysəriyyə əməliyyatı ilə doğum etdiyi, aprelin əvvəllərində isə ağrıları yarandığı üçün xəstəxanada stasonar müayinəyə qəbul olduğu məlum olub. Mayın 6-da isə qadın xəstəxananın reanimasiya şöbəsində vəfat edib.

09:46

Bakıda xəstəxanada qadın ölüb.
Lent.az-ın məlumatına görə, Xətai rayon Polis İdarəsinin 34-cü Polis Bölməsinə şəhər sakini, 1979-cu il təvəllüdlü Lətafət Şirəliyevanın Babək prospekti 92 ünavnında yerləşən "Baku Medikal Plaza" klinikasında ölməsi barəsində məlumat daxil olub. 
İlkin araşdırmalar zamanı, Lətafət Şirəliyevanın mart ayında adı keçən xəstəxanada keysəriyyə əməliyyatı ilə doğum etdiyi, aprelin əvvələrində isə ağrıları yarandığı üçün xəstəxanada stasonar müayinəyə qəbul olduğu məlum olub. Mayın 6-da isə qadın xəstəxananın reanimasiya şöbəsində vəfat edib.
Xətai rayon Prokurorluğu tərəfindən cinayət işi başlanıb.