Deputatlığa keçmiş namizədə hökm oxundu - Yarım milyonluq dələduzluq

31/10/2018 - 20:54 6 748 0   0  

Bakı Ağır Cinayətlər Məhkəməsində dələduzluqda təqsirləndirilən Əli Hacı Ağaevli və Fuad Kərimova hökm oxunub.

Hakim Samir Əliyevin icraatında olan prosesdə məhkəmə kollegiyasının hökmü ilə Ə.Ağaevli 7 il, F.Kərimov 5 il müddətinə azadlıqdan məhrum edilib. Onların hər ikisi məhkəmə zalında qandallanıb.

Ə.Ağaevli və F.Kərimov zərərçəkmiş Qabil Mehdiyevdən yarım milyon manata yaxın pul alaraq dələduzluq yolu ilə mənimsəməkdə ittiham olunur.

Qeyd edək ki, 2015-ci ildə Əli Hacı Ağaevli 34 saylı Xətai ikinci seçki dairəsindən deputatlığa namizədliyini irəli sürüb və qeydə alınıb. Dünya Azərbaycanlıları Konqresinin Məşvərət Məclisi sədrinin birinci müavini olub. O, eyni zamanda şairliklə məşğul olur, bir neçə şeir kitabı çap olunub. Özünü sufi-şair kimi təqdim edir.