Azərbaycanda aylıq inflyasiya 0,6%-ə qalxıb

10/12/2018 - 11:42 361 0   0  

2018-ci ilin yanvar-noyabr aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,3%, o cümlədən ərzaq məhsullarının qiymətləri 1,9%, qeyri-ərzaq mallarının qiymətləri 2,7%, əhaliyə göstərilən ödənişli xidmətlərin qiymətləri 2,6% artıb.

“Report” bu barədə Dövlət Statistika Komitəsinə istinadən xəbər verir.

Cari ilin noyabr ayında oktyabr ayına nisbətən istehlak məhsulları və xidmətləri 0,6%, o cümlədən ərzaq məhsulları 1,2%, qeyri-ərzaq malları 0,2%, əhaliyə göstərilən ödənişli xidmətlər isə 0,1% bahalaşıb.

Qeyd edək ki, 2018-ci ilin yanvar-oktyabr aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,4%, o cümlədən ərzaq məhsullarının qiymətləri 2,1%, qeyri-ərzaq mallarının qiymətləri 2,8%, əhaliyə göstərilən ödənişli xidmətlərin qiymətləri 2,6% artıb.

Cari ilin oktyabr ayında sentyabr ayına nisbətən istehlak məhsulları və xidmətləri 0,2%, o cümlədən ərzaq məhsulları və qeyri-ərzaq malları 0,2%, əhaliyə göstərilən ödənişli xidmətlər isə 0,1% bahalaşıb.