2018-ci ilin yanvar-noyabr ayları üzrə sığorta bazarının göstəriciləri açıqlanıb

20/12/2018 - 14:15 829 0   0  

2018-ci ilin yanvar-noyabr ayları ərzində ölkədə fəaliyyət göstərən 21 sığorta şirkəti tərəfindən 663.9 mln. manat məbləğində sığorta haqları toplanıb, 224.1 mln. manat məbləğində sığorta ödənişi həyata keçirilib

Könüllü sığorta bazarı üzrə haqlar 485.3 mln. manat, ödənişlər isə 162.4 mln. manat təşkil edib. İcbari sığorta bazarı üzrə haqlar 178.6 mln. manat, ödənişlər isə 61.7 mln. manat olub.
2018-ci ilin yanvar-noyabr ayları ərzində sektor üzrə məcmu sığorta haqlarının 73.1%-i könüllü, 26.9%-i isə icbari sığorta növlərinin payına düşüb. Sığorta ödənişlərinin 72.5%-i könüllü, 27.5%-i isə icbari sığorta növləri hesabına formalaşıb.
2018-ci ilin yanvar-noyabr ayları ərzində sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.